ತೂಗಿರೆ ರಂಗನ ತೂಗಿರೆ ಕೃಷ್ಣನ

ತೂಗಿರೆ ಅಚ್ಯುತಾನಂತನ

ತೂಗಿರೆ ವರಗಿರಿಯಪ್ಪ ತಿಮ್ಮಪ್ಪನ

ತೂಗಿರೆ ಕಾವೇರಿ ರಂಗಯ್ಯನ ||

|| ಪ ||

ನಾಗಲೋಕದಲ್ಲಿ ನಾರಾಯಣ ಮಲಗ್ಯಾನೆ

ನಾಗ ಕನ್ನಿಕೆಯರು ತೂಗಿರೆ

ನಾಗವೇಣಿಯರು ನೇಣ ಪಿಡಿದುಕೊಂಡು

ಬೇಗನೆ ತೊಟ್ಟಿಲ ತೂಗಿರೆ ||

|| ತೂಗಿರೆ ರಂಗನ ||

ಇಂದ್ರಲೋಕದಲ್ಲಿ ದೇವೇಂದ್ರ ಮಲಗ್ಯಾನೆ

ನೀಲಕುಂತಳೆಯರು ತೂಗಿರೆ

ವ್ಯಾಳಶಯನ ಹರಿ ಮಲಗು ಮಲಗೆಂದು

ಬಾಲ ಕೃಷ್ಣಯ್ಯನ ತೂಗಿರೆ ||

|| ತೂಗಿರೆ ರಂಗನ ||

ಸಾಸಿರ ನಾಮನೆ ಸರ್ವೋತ್ತಮನೆಂದು

ಸೂಸುತ್ತ ತೊಟ್ಟಿಲ ತೂಗಿರೆ

ಲೇಸಾಗಿ ಮಡುವಿನೊಳ್ ಶೇಷನ ತುಳಿದಿಟ್ಟ

ದೋಷ ವಿದೂರನ ತೂಗಿರೆ ||

|| ತೂಗಿರೆ ರಂಗನ ||

ಅರಳೆಲೆ ಮಾಗಾಯಿ ಕೊರಳ ಮುತ್ತಿನ ಹಾರ

ತರಳನ ತೊಟ್ಟಿಲ ತೂಗಿರೆ

ಸಿರಿದೇವಿ ರಮಣನೆ ಪುರಂದರ ವಿಠಲನೆ

ಕರುಣದಿ ಮಲಗೆಂದು ತೂಗಿರೆ ||

|| ತೂಗಿರೆ ರಂಗನ ||

***