ಶರವು ಮಹಾ ಗಣಪತಿ ನಮಗೆ ನಿನ್ನದೇ ಸ್ತುತಿ 

ಅನುದಿನವು ಭಕ್ತರು ನಿನ್ನ ನಂಬಿ ಇರುವರು ||

||ಪ||

ಗಜಮುಖದ ದೇವನೆ ನಿನಗೆ ವಂದನೆ ||

ಭಕ್ತಿಯ ಸೇವೆಯಲಿ ಆರಾಧನೆ ||

ಕಷ್ಟ ಪರಿಹಾರಕೆ ಮಾರ್ಗದರ್ಶಕ ||

ಕಾಪಾಡು ಕರುಣಾಳು ವಿಘ್ನನಾಶಕ ||

||ಶರವು ಮಹಾ ಗಣಪತಿ||

ಶರವು ಶಿವಾಲಯದ ತೆಂಕು ದಿಕ್ಕಿನಲ್ಲಿ ||

ದಿವ್ಯ ಮಹಾ ಗಣೇಶ ಅವತರಿಸಿದನಿಲ್ಲಿ ||

ನಿತ್ಯವೂ ಎಡೆಬಿಡದೆ ನಾವು ವಂದಿಸೆ ||

ಸಕಲ ಇಷ್ಟಾರ್ಥವ ಪರಿ ಪಾಲಿಸೋ ||

||ಶರವು ಮಹಾ ಗಣಪತಿ||

ಪುಣ್ಯ ಪ್ರಸಾದವೇ ಪಂಚಕಜ್ಜಾಯ

ಮುಕ್ತಿಯನ್ನು ನೀಡುವ ಭಕ್ತ ಜನಪ್ರಿಯ ||

ಸತ್ಯ ಧರ್ಮದಿ ತೋರೋ ನಿನ್ನ ಮಾಯೆಯ 

ಶಾಸ್ತ್ರ ಸಂಪೂಜಿತ ಸಿದ್ಧಿ ವಿನಾಯಕ ||

|| ಶರವು ಮಹಾಗಣಪತಿ ||

***