ಕೊಲ್ಲೂರ ಪುರವಾಸಿನಿ |

ಮೂಕಾಂಬಿಕೆ| ಎಲ್ಲರ ಪೊರೆ ಜನನಿ || ಪ ||

ಪುಲ್ಲಾಲೋಚನೆ ತಾಯೆ ಎಲ್ಲಾರು ಭಜಿಸುವ |

ಸಲ್ಲಿಸು ಮನದಿಷ್ಟ ಸರ್ವಮಂಗಳೆ ತಾಯೆ ||

|| ಕೊಲ್ಲೂರ ಪುರವಾಸಿನಿ ||

ನಿನ್ನ ನಂಬಿದ ಭಕ್ತರನ್ನು ಪೊರೆವೆ ನಿತ್ಯ

ಸನ್ನುತ ಚರಿತಳೆ ಎನ್ನಾ ರಕ್ಷಿಸು ತಾಯೆ ||

|| ಕೊಲ್ಲೂರ ಪುರವಾಸಿನಿ ||

ದುಷ್ಟರ ಮರ್ಧಿನಿ ಶಿಷ್ಟರ ಕಾಯೇನೀ |

ಸೃಷ್ಟಿಕರ್ತಳೆ ಬಂದ ಕಷ್ಟವ ಹರಿಸಮ್ಮ||

|| ಕೊಲ್ಲೂರ ಪುರವಾಸಿನಿ ||

ನಿನ್ನ ಕರುಣೆ ಸದಾ ಎನ್ನೋಳಡಕವಿರೆ |

ಇನ್ನಾವ ಭಯವಿದೆ ನಿನ್ನಾ ನಂಬಿದೆ ದೇವಿ||

|| ಕೊಲ್ಲೂರ ಪುರವಾಸಿನಿ ||

ದಿನದಿನ ಕ್ಷಣಕ್ಷಣ ಮನದಿ ನಿನ್ನಯ ಧ್ಯಾನ |

ಘನವಾಗಿರಲು ಸದಾ ಧನ್ಯನು ನಾ ತಾಯೆ ||

|| ಕೊಲ್ಲೂರ ಪುರವಾಸಿನಿ ||