ಓ ಪಾಂಡುರಂಗ ಪ್ರಭೋ ವಿಠಲ |

ಪ್ರಭೋ ವಿಠಲ ||

ವೇಣು ಗೋಪಾಲಾ

ರುಕ್ಮಿಣಿಲೋಲಾ ||ಪ ||

|| ಓ ಪಾಂಡುರಂಗ ||

ನಿನ್ನೀ ಪಾವನ ಪಾದಗಳ |

ಮಹಿಮೆಯ ಬನ್ನಿಸೆ ಮಾತುಗಳ ||

ಕಾಣೆನು ತಂದೇ ವಿಠಲಾ ||

|| ಓ ಪಾಂಡುರಂಗ ||

ಆಕಾಶ ಭೂಮಿಗಳ ಅಳೆದಂತ ಪಾದ |

ಕಾಳಿಂಗನ ಶಿರದಿ ಕುಣಿದಾಡಿದ ಪಾದ ||

ಕಾನನದಿ ಕಲ್ಲಾದ ಮುನಿ ಸತಿಗೆ ಜೀವವ ತಂದ |

ಪಾವನ ಶ್ರೀಪಾದವ ನಂಬಿಹೆನಯ್ಯ ||

|| ಓ ಪಾಂಡುರಂಗ ||

ಶ್ರೀದೇವಿ ಪೂಜಿಸಿದ ಶ್ರೀಹರಿಯ ಪಾದ |

ಭಕುತರಿಗೆ ಮುಕುತಿಯನು ಕೊಡುವಂತ ಪಾದ ||

ಪಾಪವನು ಕಳೆವಂತ ಸುರಗಂಗೆ ಜನ್ಮಿಸಿದಂತ |

ರಂಗನ ಶ್ರೀಪಾದವ ನಂಬಿದೆನಯ್ಯ ||

|| ಓ ಪಾಂಡುರಂಗ ||

***