ಚಿಂತ್ಯಾಕೆ ಮಾಡುತಿದ್ದಿ ಭೈರವನಿದ್ದಾನೆ |

ಭೈರವನಿದ್ದಾನೆ |

ನಿನ್ನ ಚಿಂತೆಯ ಬಿಡಿಸೋ ಗೌರಿಕಾಂತನಿದ್ದಾನೆ |

ಗೌರಿಕಾಂತನಿದ್ದಾನೆ||

||ಚಿಂತ್ಯಾಕೆ||

ಎಳ್ಳು ಕೊನೆಯೂ ಮುಳ್ಳು ಮೊನೆಯು |

ಎಲ್ಲಾ ಬಿಡದೆ ಒಳಗೆ ಹೊರಗೆ ||

ಎಲ್ಲಾ ಠಾವಿನಲ್ಲೂ ಗೌರಿವಲ್ಲಭನಿದ್ದಾನೆ|

ಗೌರಿವಲ್ಲಭನಿದ್ದಾನೆ||

||ಚಿಂತ್ಯಾಕೆ||

ಹಿಂದೆ ನಿನ್ನ ಸಲಹಿದರ್ಯಾರೋ |

ಮುಂದೆ ನಿನ್ನ ಸಲಹುವರ್ಯಾರೋ ||

ಅಂದಿಂದೆಂದಿಗೂ ನಂದಿವಾಹನನಿದ್ದಾನೆ|

ನಂದಿವಾಹನನಿದ್ದಾನೆ||

||ಚಿಂತ್ಯಾಕೆ||

ನಾನು ನೀನು ಎಂಬ ಉಭಯ |

ಹೀನಗುಣಗಳೆಲ್ಲಾ ಕಳೆದೂ||

ಜ್ಞಾನಿ ಚಿದಾನಂದ ಸುಖ ಸಂಪೂರ್ಣನಿದ್ದಾನೆ |

ಸುಖ ಸಂಪೂರ್ಣನಿದ್ದಾನೆ|| `

||ಚಿಂತ್ಯಾಕೆ||

ಗೌರಿಕಾಂತನಿದ್ದಾನೆ|

ಗೌರಿವಲ್ಲಭನಿದ್ದಾನೆ|

ನಂದಿವಾಹನನಿದ್ದಾನೆ|

ಸುಖ ಸಂಪೂರ್ಣನಿದ್ದಾನೆ|

ಸ್ವಾಮಿ ಭೈರವನಿದ್ದಾನೆ ||