ರಾಮ ಮಂತ್ರವ ಜಪಿಸೋ ಹೇ ಮನುಜ

ರಾಮ ಮಂತ್ರವ ಜಪಿಸೋ||

ಆ ಮಂತ್ರ ಈ ಮಂತ್ರ ಜಪಿಸಿ  ಕೆಡಲು ಬೇಡ||

ಸೋಮಶೇಖರ ತನ್ನ ಭಾಮೆಗೆ ಹೇಳಿದ ಮಂತ್ರ ||

||ರಾಮ ಮಂತ್ರವ ಜಪಿಸೋ||

ಕುಲಹೀನನಾದರು ಕೂಗಿ ಜಪಿಸುವ ಮಂತ್ರ ||

ಸಲೆಬೀದಿಯೊಳು ಉಚ್ಚರಿಪ ಮಂತ್ರ||

ಹಲವು ಪಾಪಂಗಳ ಹದಗೆಡಿಸುವ ಮಂತ್ರ||

ಸುಲಭದಿಂದಲಿ ಸ್ವರ್ಗ ಸೂರೆಗೊoಬುವ ಮಂತ್ರ ||

||ರಾಮ ಮಂತ್ರವ ಜಪಿಸೋ||

ಮರುತಾತ್ಮಜ ನಿತ್ಯ ಸ್ಮರಣೆ ಮಾಡುವ ಮಂತ್ರ||

ಸರ್ವ ಋಷಿಗಳಲಿ  ಸೇರಿದ ಮಂತ್ರ||

ದುರಿತ ಕಾನನಕಿದು ದಾವಾನಲ ಮಂತ್ರ||

ಪೊರೆದು ವಿಭೀಷಣನಿಗೆ ಪಟ್ಟ ಕಟ್ಟಿದ ಮಂತ್ರ||

||ರಾಮ ಮಂತ್ರವ ಜಪಿಸೋ||

ಜ್ಞಾನನಿಧಿ ನಮ್ಮ ಆನಂದ ತೀರ್ಥರು 

ಸಾನುರಾಗದಿ ನಿತ್ಯ ಸೇವಿಪ ಮಂತ್ರ ||

ಬಾನು ಕುಲಾಂಬುದಿ ಸೋಮನೆನಿಪ ಮಂತ್ರ||

ದೀನರಕ್ಷಕ ಪುರಂದರ ವಿಠಲನ ಮಂತ್ರ ||

|| ರಾಮ ಮಂತ್ರವ ಜಪಿಸೋ ||

***