ಹಾಲಲ್ಲಾದರು ಹಾಕು 

ನೀರಲ್ಲಾದರು ಹಾಕು ರಾಘವೇಂದ್ರ |

ಹಾಲಲ್ಲಿ ಕೆನೆಯಾಗಿ ನೀರಲ್ಲಿ ಮೀನಾಗಿ 

ಹಾಯಾಗಿರುವೆ ರಾಘವೇಂದ್ರ  || ಪ ||

 || ಹಾಲಲ್ಲಾದರು ಹಾಕು ||

ಮುಳ್ಳಲ್ಲಾದರು ನೂಕು ಕಲ್ಲಲ್ಲಾದರು ನೂಕು ರಾಘವೇಂದ್ರ ||

ಮುಳ್ಳಲ್ಲಿ ಮುಳ್ಳಾಗಿ ಕಲ್ಲಲ್ಲಿ ಕಲ್ಲಾಗಿ 

ಒಂದಾಗಿರುವೇ  ರಾಘವೇಂದ್ರ |

ಬಿಸಿಲಲ್ಲಿ ಒಣಗಿಸು ನೆರಳಲ್ಲಿ ಮಲಗಿಸು  ರಾಘವೇಂದ್ರ |

ಬಿಸಿಲಲ್ಲಿ ಕೆಂಪಾಗಿ ನೆರಳಲ್ಲಿ ತಂಪಾಗಿ  

ನಗುನಗುತಲಿರುವೇ ರಾಘವೇಂದ್ರ |

 || ಹಾಲಲ್ಲಾದರು ಹಾಕು ||

ಸುಖವನ್ನೇ ನೀಡೆಂದು ಎಂದೂ ಕೇಳೆನು ನಾನು ರಾಘವೇಂದ್ರ | |

ಮುನ್ನಾ ಮಾಡಿದ ಪಾಪ ಯಾರ ತಾತನ ಗಂಟು ||

ನೀನೇ ಹೇಳೂ ರಾಘವೇಂದ್ರ |

ಎಲ್ಲಿದ್ದರೇನು ನಾ ಹೇಗಿದ್ದರೇನು ನಾ ರಾಘವೇಂದ್ರ 

ನಿನ್ನಲ್ಲಿ ಒಂದಾಗಿ ನೀನೆನ್ನ ಉಸಿರಾಗಿ

ಬಾಳಿದರೆ ಸಾಕು ರಾಘವೇಂದ್ರ |

 || ಹಾಲಲ್ಲಾದರು ಹಾಕು ||

 ***