ಶರಣು ಶರಣು ಜಯ ದುರ್ಗೆ

ಸರ್ವ ಶಕ್ತಿ ಜಗನ್ಮಾತೆ |

ಶರಣು ಶರಣು ಶಿವೆ ಗೌರಿ

ರಕ್ಷಿಸೆಮ್ಮ ಸುಖದಾತೆ ||

|| ಶರಣು ಶರಣು ಜಯ ದುರ್ಗೆ ||

ಮಂಗಳವಾರ ಸುಮಂಗಲಿಯರು

ನಿನ್ನಯ ನಾಮವ ಭಜಿಸಿರಲು |

ಒಂಭತ್ತು ವಾರ ವೃತವಿರಲು

ದೊರಕುವುದು ಇಷ್ಟಾರ್ಥಗಳು ||

|| ಶರಣು ಶರಣು ಜಯ ದುರ್ಗೆ ||

ರಕ್ಷಿಸುವವಳು ನೀನೇ

ಶಿಕ್ಷಿಸುವವಳು ನೀನೇ |

ಅಣು ಅಣುವೆಲ್ಲಾ ತುಂಬಿಹೆ ನೀನೇ

ಕೋರಿಕೆ ಕರುಣಿಸು ಕಾಮಧೇನು ||

|| ಶರಣು ಶರಣು ಜಯ ದುರ್ಗೆ ||

ಜಯ ಶಿವೆ ಶಂಕರಿ ಜಯ ಅಭಯಂಕರಿ

ಜಯ ಜಯ ಶಕ್ತಿ ಜಯ ಪ್ರಳಯಂಕರಿ ||

ಜಯ ಶಿವೆ ಶಾಂಭವಿ ಜಯ ನಟ ಭೈರವಿ

ಜಯ ಕಾದಂಬರಿ ಜಯ ಶ್ವೇತಾಂಬರಿ ||

|| ಶರಣು ಶರಣು ಜಯ ದುರ್ಗೆ ||

ಜಯ ಮಾತಂಗಿನಿ ಆನಂದದಾಯಿನಿ

ಜಯ ಜಗದಂಬೆ ಪುಣ್ಯ ಸ್ವರೂಪಿಣಿ ||

ಓಂ ಜಗಜನನಿ ಮಾತಾಭವಾನಿ

ಓಂಕಾರೇಶ್ವರ ಚಿತ್ತ ನಿವಾಸಿನಿ ||

|| ಶರಣು ಶರಣು ಜಯ ದುರ್ಗೆ ||